GRUPI A: MOLDAVIA - FRANCA
Franca starton bindshëm
22 March, 2019 @23:00
Kundërshtari i Shqipërisë në Grupin H, Franca, me lehtësi e mposhti Moldavinë me rezultat 1-4.
Goli i parë i trekolorëve, erdhi në minutën e 21’, pas një kombinimi të bukur në mes të Pogbas dhe Griezmannit, ku ky i fundit arriti të shënojë me një vollej të bukur sikurse asistimi.
Tre minuta më vonë epërsia u dyfishua përmes mbrojtësit Raphael Varane, derisa pjesa e parë u mbyll me golin e Olivier Giroudit.
Në pjesën e dytë të ndeshjes në minutën e 87’, Kylian Mbappe e shënoi golin e katërt të Francës , derisa goli i nderit për Moldavinë erdhi në minutën e 89’ nga Vladimir Ambros.
Franca me këtë fitore u vendos në krye të Grupit H, grup në të cilin ndodhet edhe Shqipëria.
