SUAREZ
Gati për El Clasico
24 July, 2014 @18:12
Urugujani Luis Suarez mund të debutojë për fanellën Blaugrana të Barcelonës në ndeshje ndaj rivalit më të madh të këtij ekipi - Real Madrid.
El Clasicoja e parë e stinorit 2014/15 është paracaktuar të luhet të dielën e 26 tetorit, që plotëson 4 mujorin e suspendimit të tij për shkak të incidentit skandaloz në Kampionatin Botëror, Brazili 2014.
Suarez, që erdhi në Barcelonë nga Liverpooli është duke e vuajtur suspendimin 4 mujor për shkak të kafshimit të mbrojtësit italian, Giorgio Chiellini më 24 qershor.
E keqja për Suarezin dhe ekipin e tij është se ky dënim reflekton edhe në stërvitje, pasi që uruguajani nuk do të mund as që të stërvitet me ekipin e tij të ri deri në atë kohë.
El Clasicoja e dytë e stinorit në La Liga është përcaktuar për 22 mars 2015. Përveç tjerash, liga elite spanjolle, ka aprovuar edhe përdorimin e sprejit shkumues që lehtëson krijimin e barrikadës për gjuajtje të lira.
