GJILANI - FLAMURTARI
Gjilani e Flamurtari ndajnë pikët
23 February, 2019 @15:10
Pa fitues është mbyllur dueli i zhvilluar mes Gjilanit dhe Flamurtarit në stadiumin e qytetit në Gjilan.
Skuadrat në fjalë nuk arritën ta gjejnë as edhe një herë golin përgjatë 90 minutave, duke bërë kështu që ndeshja të mbyllet me rezultatin e bardhë.
Keita Razak në minutën e 63’ iu afrua shumë golit për gjilanasit, ndërsa për t’u përmendur është edhe shtylla e goditur nga vendasit në minutën e 82’ pas një tollovie në mbrojtjen mysafire, mirëpo për fat të mirë të kryeqytetasve, topi nuk përfundoi në rrjetë.
Përkundër barazimit, Gjilani mbetet edhe më tutje i katërti në klasifikim, kurse Flamurtari aktualisht gjendet në pozitën e tetë.
FORMACIONET STARTUESE
| Gjilani: Haxhihamza, Kastrati, Lila, Papuçi, Magani, Lopez, Keita Aziz, Hadzibulic, Kqiku, Asani, Hajdari. Flamurtari: Neziri, Maxhuni, Granchov, Kabashi, Dumani, Zeqiri, Bruqi, Boshnjaku, Kelmendi, Krasniqi, Shillova. |
