GJILAN
Gjilani feston, kampioni pa pikë në dy xhiro
28 August, 2016 @17:45
Gjilani ka shënuar fitoren e parë në edicionin e sivjetëm në Superligë.
Bardhekuqtë e festuan përballë kampionit aktual, Feronikelit, të cilin e mposhtën me rezultat 2-1.
Pjesa e parë e ndeshjes përfundoi pa gola, ndërsa me të filluar pjesa e dytë, vendasit kaluan në epërsi me anë të golit të Isa Eminhazirit.
Nga minuta 66’ Gjilani mbeti me një lojtar më pak, ndërsa këtë e shfrytëzoi Nikli duke e barazuar rezultatin me anë të Besnik Krasniqi, i cili shfrytëzoi asistin e Mentor Zhdrellës.
Por nuk vonoi kundërpërgjigjja nga Gjilani dhe vetëm një minutë pas golit të Feronikelit, Betim Haxhimusa e rikthyeu epërsinë për vendasit, për të përfunduar ndeshja me rezultat 2-1 në të mirë të Gjilanit.
Me këtë fitore Gjilani tani ka 3 pikë, ndërsa Feronikeli mbetet pa asnjë pikë edhe pas xhiros së dytë.
