NË PEJË
E dyta me radhë për Besën
28 August, 2016 @17:29
Pas fitores së madhe ndaj kampionit në xhiron e kaluar, Besa, ka shënuar fitore edhe në duelin e dytë të stinorit të Superligës.
Ekipi pejan ka shënuar fitore ndaj Ferizajit sot në “Shahin Haxhiislami” të Pejës.
Epërsia e Besës erdhi përmes një autogoli të Mirsad Idrizit të Ferizajit, që nuk u kuptua me portierin e tij.
Besa dominoi pjesën më të madhe të takimit dhe me një depërtim të bukur të Përparim Osmanit dhe krosimit, Qemail Elshani shutoi me të parën për ta ngritur epërsinë e pejanëve në 2-0 që doli të jetë edhe vendimtar në këtë ndeshje.
