Gjilani merr licencën për gara evropiane 2020/21

Skuadra e Gjilanit para pak çastesh ka bërë të ditur se ka arritur të merr licensën për garat evropiane 2020/21.

“Kemi marrë njoftimin nga Departamenti për licensim të klubeve, se kemi arritur kushtet për të marr pjesë në gara të organizuara nga UEFA,” ka shkruar në njoftimin e klubit kuqebardhë nga Anamorava.

Gjilani, që është aktualisht i treti në renditje tabelare të Superligës, shpreson të bëhet ekipi i tretë i elitës që do të sigirojë pjesëmarrje në garat evropiane.

Kjo është hera e tretë që Gjilani licensohet për gara evropiane - por ende s’ka arritur të dalë atje.