MERKATO DIMËRORE
BOROZANI/ A. P.
Gjilani në bisedime me disa lojtarë
15 December, 2017 @14:34
Skuadra e Gjilanit, që ka përfunduar stinorin vjeshtor të Superligës në pozitën e tetë të klasifikimit, është në bisedime me disa lojtarë nga kampionati maqedonas i futbollit.
Njoftimin e ka bërë të ditur zyrtarisht vetë ekipi i Gjilanit, ndërsa nuk ka dhënë emra ose pozita të lojtarëve, me të cilët është në bisedime.
Mendohet se Gjilani për shkak të mungesës së golave të shënuara do të kërkojë një sulmues klasik gjithsesi, ndërsa futbollistët tjerë mund të jenë mesfushorë, pasi që mbrojtja e tyre është ndër më të mirat në ligë.
Gjilani përfundoi vjeshtën me 26 pikë, si dhe ekipi me më së shumti barazime në Superligë, 11 sosh nga 18 ndeshje të zhvilluara përgjatë pjesës vjeshtore të stinorit.
