Futbolli më ka borxh!

Pas rrezikimit të madh për t’u kualifikuar në Kampionat Botëror, ndërrimit të përzgjedhësit, lënies dhe rikthimit të Lionel Messit në reprezentacionin argjentinas - Argjentina ka arritur të kualifikohet në Kampionatin Botëror “Rusia 2018”.

Lionel Messi, që shihet si futbollist më i mirë i të gjitha kohërave, 5 herë fitues i Topit të Artë, rekord golashënues i Barcelonës dhe fitues i të gjitha titujve të mundshëm në futbollin ekipor, ka bërë intervistë ekskluzive me faqen zyrtare të FIFAs.

GRUPET RUSSIA 2018

Në një intervistë të mëhershme, pas kualifikimit të Argjentinës në “Rusia 2018”, trajneri aktual i Argjentinës, Jorge Sampaoli, kishte thënë se futbolli ia ka borxh Messit Kupën e Botës.

“E keni dëgjuar këtë dhe çka mendoni për këtë punë?” - ka qenë pyetja nga fifa.com për yllin e Argjentinës.

“Po, e kam dëgjuar dhe ma ka thënë edhe mua këtë personalisht,” ka thënë Messi duke qeshur për të vazhduar, “Shpresoj se futbolli ma kthen borxhin,” duke qeshur ka shtuar Messi.

“Duke folë për Kupën e Botës, e kemi një sfidë për ju. A mund ta kompletoni fjalinë në vazhdim? Lionel Messi në vitin 2018 do të jetë... - ka ardhur pyetja e radhës.

“Babâ, për të tretën herë!” - ka qenë përgjigjja e 30 vjeçarit.

Përndryshe, Argjentina në shortin e grupeve të Botërorit të radhës ka rënë në Grupin D, të ashtuquajtur grupi i vdekjes, për shkak të kundërshtarëve të vështirë aty.

GRUPET RUSSIA 2018

Messi me shokë duhet të përballen me Islandën, Kroacinë dhe Nigerinë për të kërkuar fazën e radhës në Botëror. Herën e fundit, në Botërorin “Brazili 2014” Argjentina ishte mposhtur nga Gjermania në vazhdime, 1-0, kur Mario Götze kishte hyrë si zëvendësues për t’ia dhënë trofeun e më të mirit në Botë, Gjermanisë.