MEDIA
Gjilani shkarkon Munishin!
25 April, 2022 @12:27
Radioja lokale gjilanase, Radio Star, ka bërë të ditur se Gjilani dhe Ismet Munishi kanë ndarë rrugët, ndërsa shpejt pritet të dilet edhe me komunikatë zyrtare nga klubi.
Gjilani, që i besoi Munishit lojtarët me përvojë dhe ndër më të paguarit në Superligë këtë edicion, nuk arriti t’ia del luftës me Ballkanin për titull të kampionit dhe sikurse edhe në stinorin e kaluar, pak para fundit të stinorit - largojnë trajnerin!
Humbja e djeshme nga Dukagjini në Klinë, ishte kapak!
Skuadra e Gjilanit me Munishin ka arritur numrin më të vogël të humbjeve në Superligë (3), mirëpo numri i barazimeve qe më i madhi në ligë (13) që i la pas ata në luftë për titull, aktualisht nëntë pikë larg liderit.
Kujtojmë, Gjilani gjithashtu në shumicën e ndeshjeve shpëtoi me fitore ose me pikë falë saktësisë së kapitenit Gerhard Progni nga gjuajtjet e lira!
