Gjithçka vendoset në Anfield

​Skuadra debutuese këtë sezon në garat evropiane, FC Augsburg, ka ndalur në shtëpi Liverpoolin e Jurgen Kloppit. Një ndeshje me pak raste shënimi, me Liverpoolin që kërkonte më tepër golin dhe me vendasit që mbroheshin mirë, u mbyll pa gola, duke lënë gjithçka të hapur për ndeshjen e kthimit në Anfield Road javën e ardhshme.

Duke parë pozitën në tabelën e Premier Leagues, me entuziazmin që solli Klopp, Liverpooli kërkon një triumf të befasishëm në Europa League, që do t’i mundësonte kualifikimin direkt për në Champions League, ndërsa Augsburgu kërkon lavdinë përmes një kualifikimi të mundshëm në Anfield Road të enjten e ardhshme.