Gjykata pezullon nga detyra kreun e FSHF-së

Armand Duka ka të pezulluar detyrën e kryetarit të FSHF-së. Kështu bëjnë të ditur mediat tiranase sot, pasi që Gjykata e Tiranës ka marrë këtë vendim.

Sipas Vendimit, që është botuar në mediat nga Shqipëria thuhet:

Vendimi:

1. Pranimin e kërkesës.

-Caktimin si masë sigurimi ndalues ndaj personit nën hetim Ardian Haçi,atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.

2. Pranimin e kërkesës

-Caktimin si masë sigurimi ndalues ndaj personit nën hetim Ilir Shulku, atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale.

3. Pranimin e kërkesës.

-Caktimin si masë sigurimi ndalues ndaj personit nën hetim Armando Duka, atë të “Pezullimi i ushtrimit të një detyre a shërbimi publik” të parashikuar nga neni 242 i K.Pr.Penale”, thuhet në vendimin e gjykatës.

Asambleja e FSHF u pezullua nga Gjykata për shkak të hetimeve të nisura për manipulime me zgjedhjet, duke vendosur shtyrjen e tyre deri në hetimin e plotë të çështjes.

Në anën tjetër, nga FSHF ende nuk është dhënë asnjë deklaratë lidhur me këtë rast që po pohohet në mediat e atjeshme.