UEFA
Griezmann, Ronaldo e Bale, për më të mirin e vitit
5 August, 2016 @13:34
Futbollisti francez i Atletico Madridit, Antoine Griezmann, bashkë me dyshen e Real Madridit, Cristiano Ronaldo dhe Gareth Bale - do të luftojnë për trofeun e lojtarit më të mirë të vitit në Europë, që e jep UEFA-ja çdo vjet.
Gazetarët nga 55 vendet anëtare të UEFA-së kanë dërguar votat e tyre dhe pas mbledhjes së pikëve, treshja në fjalë është shkëputur nga pjesa tjetër e lojtarëve.
Prej vendit të katërt deri në të dhjetin janë renditur: Suarez (Barcelona dhe Uruguaj) 29 pikë, Messi (Barcelona dhe Argjentina) 25 pikë, Buffon (Juventus dhe Italia) 19 pikë, Pepe (Real Madrid dhe Portugalia) 9 pikë, Neuer (Bayern dhe Gjermania) 6 pikë, Kroos (Real Madrid dhe Gjermania) 5 pikë dhe Muller (Bayern dhe Gjermania) 2 pikë.
Më i miri i Europës do të përzgjidhet në gala natën e shortit për grupet e Ligës së Kampionëve 2016/17 në fund të këtij muaji.
