Guardiola, titulli e Leicesteri

Ish-trajneri i Manchester United, Sir Alex Ferguson, në një intervistë të dhënë për Sky Sports, ka shprehur mendimin e tij rreth ardhjes së Pep Guardiolës tek Manchester City dhe po ashtu ka folur edhe për skuadrën e Leicesterit dhe për atë që ata po shfaqin këtë sezon.

“Pa dyshim, Guardola është një trajner i madh. Puna që bën ai dhe stërvitjet që ai praktikon janë fenomenale. Manchester City ka bërë shumë mirë që e ka zgjedhur Guardiolën si pasues të Pellegrinit mirëpo nuk do të jetë e lehtë. Mund t’a shihni që trajnerët e huaj që vijnë në Angli kanë gjithmonë probleme. Këtë e keni dëgjuar edhe në intervistat e Mourinhos e Wengerit.

Por gjithsesi unë mendoj se Guardiola do të jetë i sukesshëm tek Manchester City, mirëpo kurrë nuk do të arrijë atë që e arriti me Barcelonën. Suksesin që e pati tek Barcelona nuk do t’a arrijë edhe një herë me asnjë skuadër tjetër.” - u shpreh Sir Alex për Sky Sports.

I pyetur për titullin kampion në Premier League këtë sezon, skocezi u shpreh:

“Leicesteri e meriton titullin. Kanë qenë skuadra më e mirë e sezonit dhe pa dyshim që duhet të kurorëzohen me titull. Ata ndoshta nuk e kanë përvojën, mirëpo dëshira dhe energjia e tyre në fushë po tregon që ata e meritojnë vendin në të cilin janë. Ju mund të flisni për fitoret minimale që po i marrin, mirëpo edhe unë kisha një sezon tek United me 8 fitore me rezultat 1-0 dhe në fund e fituam titullin. E rëndësishme është që ato po marrin pikët.

Nuk po shoh nervozë te skuadra dhe kjo është meritë e Ranierit. Lojtarët janë të qetë dhe kjo është një arsye tjetër që më shtyn të besoj që ata do të jenë fitues të titullit. I vetmi rrezik i tyre është Tottenhami, askush tjetër.”