Hadërgjonaj asiston në debutim

Florent Hadërgjonaj ka realizuar debutimin e tij me skuadrën Ingolstadt në mënyrën më të mirë.

Ai e ka filluar si titullar ndeshjen e sotme ndaj Borussia Dortmundit, ndërsa ka pasur edhe një asistim në golin e tretë të skuadrës së tij, që u shënua në minutën 59’ nga Dario Lezcano për rezultatin 3-1.

Mirëpo megjithatë, epërsia dygolëshe e Ingolstadtit u shkri deri në fund të takimit, pasi Dortmundi shënoi edhe dy herë për të përfunduar takimi me rezultat 3-3.

Hadërgjonaj, 22 vjeçar, është njëri prej lojtarëve potencial që mund t’i bashkohet përfaqësueses së Kosovës në të ardhmen.