Barcelona triumfon në dramën e Mestallas

Një ndeshje shumë interesante dhe shumë e tensionuar u zhvillua sot në ‘Mestalla’ të Valencias.

Barcelona e Luis Enriques arriti të dilte me 3 pikë në fund, me golin e fitores që erdhi nga penalltia e fituar 5 sekonda para fundit të ndeshjes nga uruguajani Luis Suarez. Kjo penallti u konvertua në gol nga Messi, ndërsa gjatë festimit të golit të fitores, lojtarët nuk u kursyen aspak nga tifozët vendas, të cilët gjuajtën shishe dhe gjëra të ndryshme drejt lojtarëve të Barcelonës.

Ashtu si goli i tretë, edhe goli i parë u shënua nga Leo Messi, ndërsa për Valencian, skuadër e cila zhvilloi një ndeshje shumë të mirë, golat u shënuan nga El Haddadi dhe Rodrigo.

Kjo fitore bën që Barcelona të jetë në krye të tabelës momentalisht, me Atleticon e Realin që ndeshjet e tyre i luajnë nesër, kurse shqetësim për Luis Enriquen është lëndimi i Andres Iniestas, i cili u lëndua në pjesën e parë dhe u largua nga loja menjëherë dhe lëndimi i tij duket se është në ligamentet e gjurit të djathtë. Kohëzgjatja e mungesës së tij do të dihet pas skanimeve mjekësore.

TABELA AKTUALE LA LIGA

All Goals & highlights –Valencia 2-3 Barcelona… by mohtv