Arifaj pengon debutimin me fitore të Munishit

Trajneri Ismet Munishi ka filluar me barazim aventurën e tij te skuadra e Dritës.

Një fillim i furishëm i gjilanasve, të cilët kaluan në epërsi që nga minuta e dytë, u ndal nga sulmuesi më në formë në Superligë, Granit Arifaj, i cili shënoi për rezultatin e barabartë 1-1.

Drita kishte shënuar edhe një gol tjetër në minutat e fundit të pjesës së parë me anë të Florim Berishës, mirëpo goli i tij u shpall i pavlefshëm nga gjyqtari kryesor i ndeshjes për shkak të pozitës jashtë lojë.

Kjo ndeshje kishte filluar me rreth gjysmë ore vonesë, për shkak të mos prezencës së forcave të sigurimit në stadium.

TABELA AKTUALE

Ky barazim e ka larguar Dritën nga pozita e fundit në tabelë së paku deri nesër, pasi që tani ka pikë të njëjta me Hajvalinë, por që kjo e fundit ende nuk e ka zhvilluar ndeshjen e kësaj xhiroje.

Ndërsa Drenica, me barazimin e sotshëm tani ka 13 pikë dhe e kalon Lirinë në radhitjen tabelare.