ISTOGU-BALLKANI
Shpëtojnë në minutat shtesë
22 October, 2016 @16:01
Skuadra e Istogut ka shpëtuar në minutat shtesë të ndeshjes së sotme ndaj Ballkanit në kuadër të xhiros së X të Ligës së Parë.
Pas pjesës më të madhe të lojës që kaloi qetë, Ballkani erdhi në epërsi përmes një penalltie në minutën e 81-të të ndeshjes.
Mirëpo, Qëndrim Jahaj i Istogut ka shënuar në minutën e katërt shtesë për të barazuar dhe për të shpëtuar një pikë për ekipin e tij, derisa Ballkanit i iku nga dora një fitore e madhe si mysafir.
Pas kësaj xhiroje Istogu ka 9, ndërsa Ballkani 14 pikë.
