TARASHAJ v HADËRGJONAJ
Hadërgjonaj mposht Tarashajn
18 February, 2017 @21:23
Përveç duelit ndërmjet Mërgim Mavrajt dhe Amir Abrashit, një tjetër duel shqip sot në Bundesligë ishte ai ndërmjet Eintracht Frankfurtit të Shani Tarashajt dhe Ingolstadtit të Florent Hadërgjonajt.
Hadërgjonaj, i cili tashmë është bërë i padiskutueshëm në formacionin e Ingolstadtit, kontribuoi përgjatë 90 minutave për fitoren 2-0 të skuadrës së tij.
Në anën tjetër, Tarashaj nuk e fitoi rastin për t’u dëshmuar në fushë nga trajneri i tij, kroati Niko Kovac dhe ndeshjen e përcjelli nga banka rezerve.
Vlen të përmendet se që të dyja skuadrat e përmbyllën takimin me nga një lojtar më pak, pasi që Eintrachti pësoi karton të kuq në minutën 34’, ndërsa Ingolstadti në minutën 81’.
Vendasit gjithashtu kishin edhe një penallti të huqur në këtë ndeshje, para se të pësonin golin e dytë.
