REAL MADRID - ESPANYOL
Bale rikthehet me gol, Reali me rekord të ri
18 February, 2017 @18:01
Në ndeshjen e tij të parë që nga nëntori i vitit të kaluar, uellsiani Gareth Bale e tregoi klasin e tij dhe shënoi njërin nga 2 golat e Real Madridit sot.
Bale u inkuadrua në minutën e 71’ të takimit, ndërsa golin e gjeti 12 minuta më vonë. Goli tjetër i Real Madridit u shënua nga Alvaro Morata në pjesën e parë.
Kjo fitore, përveç që e mban në krye Realin, e krijon edhe një rekord të ri për këtë klub. Tashmë Reali ka shënuar të paktën nga një gol në 42 ndeshjet e fundit në të gjitha garat, rekord ky që nuk ishte arritur asnjëherë më parë nga ky klub.
