Halimi në Bundesliga sivjet

Skuadra nga Bundesliga, Mainz, këtë stinor po bën llogaritjet edhe te futbollisti i talentuar i përfaqësueses së Kosovës, Besar Halimi.

Mainz sot ka prezantuar Halimin së bashku me tre përforcimet e reja, që bën të kuptohet se ai këtë stinor do ta vesh fanellën e kësaj skuadre.

Në fakt, Halimi është transferuar te Mainz qysh në korrik të vitit të kaluar nga Stuttgart Kickers, por menjëherë më pas ishte huazuar te skuadra nga Bundesliga 2, FSV Frankfurt, me të cilën ka treguar paraqitje të mira duke shënuar 4 gola e 2 asistime në 26 ndeshje.