TREPÇA '89 - DRENICA
Harmon në kohën shtesë, ndahen pikët në Mitrovicë
1 September, 2019 @17:59
Me barazim është mbyllur dueli i zhvilluar sot mes Trepçës ‘89 dhe Drenicës në Mitrovicë.
Skuadra vendase ishte në epërsi për shumicën e kohës, me golin e Richard Asares që u shënua në minutën e 22’ të ndeshjes pas asistimit të Mujës, mirëpo skuadra e Drenicës nuk u dorëzua deri në sekondat e fundit të ndeshjes, ndërkohë që golin e barazimit e gjeti në minutën e 3’ të kohës shtesë përmes Harmon Gboweas, për ta mbyllur kështu takimin me rezultatin përfundimtar 1-1.
Pas 3 xhirove, Trepça ‘89 është ende e pamposhtur dhe ka 5 pikë, kurse Drenica për momentin është në kuotën e 4 pikëve.