Hasi nis me fitore mbrojtjen e titullit

Skuadra e Besnik Hasit në Belgjikë, Anderlecht, ka nisur me fitore stinorin e ri në Pro League të Belgjikës. 

Kampionët aktual të Belgjikës, kanë arritur të shënojnë fitore 3-1 si vendas sot ndaj Mouscronit derisa fitorja ka ardhur pasi që Hasi ka futur në lojë sulmuesin argjentinas Matias Suarez, që ka ngjallur sulmin në 25 minutat e fundit të takimit - dhe ka shënuar golin e fundit të Anderlechtit për fitore 3-1. 

Kështu gjakovari Hasi ka nisur me fitore stinorin 2014/15 në kampionatin elit belg me Anderlechtin, pasi që stinorin e shkuar ia solli titullin kampion dhe Superkupën ekipit të tij. 

Besnik Hasi këtë stinor do të debutojë edhe në Ligë të Kampionëve si trajner.