HAJVALIA - BESA
Hat-trick i Elshanit, Besa deklason Hajvalinë
5 April, 2017 @16:50
Ashtu siç edhe pritej, skuadra e Besës ka shënuar fitore të lehtë ndaj Hajvalisë në Kishnicë.
Pejanët çështjen e fituesit e mbyllën që në pjesën e parë, pjesë e cila u mbyll me rezultat të thellë 0-4.
Serinë e golave e hapi Xhevdet Shabani, i cili shënoi fillimisht në minutën e 25’ 0-1 e më vonë edhe në minutën e 42’ për 0-3. Sikur të tregohej më i saktë nga penalltia në minutën e 65’, Xhevdet Shabani do të kishte shënuar hat-trick, mirëpo goditja e tij nga pika e bardhë përfundoi mbi portë. Por, atë që nuk e arriti Shabani, arriti ta bënte bashkëlojtari i tij Qemail Elshani, i cili e kompletoi hat-trickun personal me golat e shënuara në minutat 34’, 82’ dhe 90’. Goli tjetër i Besës u shënua nga Leart Emini, ndërsa ndeshja u mbyll me rezultatin final 1-6.
Te Hajvalia, goli i nderit u shënua nga Edison Morina në fillimin e pjesës së dytë dhe kjo ishte e gjitha çfarë Hajvalia tregoi në këtë takim.
Me Hajvalinë që është totalisht e dorëzuar dhe sipas të gjitha gjasave vitin tjetër do të luaj në Ligën e Parë, Besa mbetet në mesin e tabelës përkundër fitores, ndërsa synimi kryesor i pejanëve mbetet Kupa e Kosovës.
