Higuan zhgënjen skuadrën, Napoli humb hapin

Lajm i mirë për Juventusin. Skuadra e Udineses i ka bërë një nder ‘Zonjës së Vjetër’, duke mposhtur me rezultat 3-1 skuadrën e Napolit, rivalin kryesor të Juventusit në luftën për titull.

Skuadra e Udineses zhvilloi një pjesë të parë shumë të mirë, në të cilën shënoi 2 gola dhe shpërdoroi edhe një penallti. Në anën tjetër Napoli shënoi golin e vetëm përmes argjentinasit Gonzalo Higuain. I njëjti lojtar në pjesën e dytë u ndëshkua me karton të kuq, duke bërë që skuadra e tij ta kishte edhe më të vështirë daljen me pikë nga fusha.

Kjo humbje bën që Napoli të mbetet 6 pikë prapa Juventusit, ndërsa Udinese ndodhet në pozitën e 13.

TABELA AKTUALE SERIE A