I lumtur për golat e Serginhos

Hajvalia ka shpërthyer në pjesën e dytë të ndeshjes ndaj Vushtrrisë dje për të shënuar fitore të thellë ndaj rivalit dhe për të mbajtur hapin me kreun e tabelës.

“Në pjesën e dytë kemi luajtur më mirë. Më vjen keq që Vushtrria ka ardhur në këtë gjendje, por ne jemi profesionistë dhe duhet të luajmë,” ka thënë Munishi duke shprehur keqardhje për ish ekipin e tij të cilin e bëri kampion dy vite më parë.

“Më vjen mirë qe Serginho i dha golat pas paraqitjeve shumë të mira. Ndërsa Liridon Lecin e kemi nxjerrë nga loja pasi doli nga kontrolli dhe ka rrezikuar mjaft shkaku i kartonëve, edhe pse ishte ndër lojtarët më të mirë në fushë,” ka shtuar Munishi, shkruan sot faqja zyrtare e klubit, fchajvalia.com.

Serginho Junior ka shënuar dy gola për Hajvalinë në këtë fitore, që kanë qenë golat e parë të tij në kampionatin tonë.

Hajvalia është aktualisht e dyta në renditje dhe po përcjell Ferronikelin lider në luftë për titullin kampion.