XHERDAN SHAQIRI
I lumtur për golin dhe fitoren
15 February, 2015 @19:21
Futbollisti shqiptar me nënshtetësi zvicerane, Xherdan Shaqiri, është shprehur i lumtur për golin e shënuar në ndeshjen kundër Atalantës, si dhe për fitoren e arritur në këtë ndeshje.
“Jam vërtetë i lumtur që kam shënuar golin tim të parë në Serie A, por më e rëndësishme është që kemi shënuar fitore. Ne jemi një ekip i fortë. Unë pëlqej të luaj prapa sulmuesve, aty ku mund t’i shërbejë më shumë topa bashkëlojtarëve të mi, dhe mund të bëjmë një lojë të mirë në sulm dhe në mbrojtje,” tha Shaqiri pas ndeshjes për Inter Channel.
Shiko raportin e ndeshjes Atalanta - Inter dhe videon e golit të Xherdan Shaqirit.
Xherdani e shënoi golin e parë të ndeshjes në minutën e tretë nga penalltia, derisa skuadra e tij fitoi me rezultat të thellë, 4-1.
Ky ishte goli i parë i Shaqirit në Serie A.
