ALVARO MORATA
I padëshiruari në klubin amë, te Chelsea
20 July, 2017 @9:00
Njëri ndër qendërsulmuesit më të mirë që ka Spanja aktualisht, Alvaro Morata, pritet të zyrtarizohet shumë shpejt si lojtar i Chelseat (pasi që të arrijë marrëveshje personale dhe të kalojë testet mjekësore).
Chelsea ka bërë zyrtare mbrëmë se ka arritur marrëveshje me Real Madridin për blerjen e sulmuesit 24 vjeç Morata, që pritet ta zëvendësojë Diego Costën e parehatshëm në ekip.
Mediat e ndryshme europiane raportojnë për rreth 80 milionë euro dëmshpërblim, që do t’i paguajë Chelsea Real Madridit, ndërsa Antonio Conte do ta ketë mundësinë të punojë me sulmuesin që e kërkonte te Juventusi.
