Inter dhe Roma, para dënimit të madh nga UEFA

Roma dhe Inter pritet që nesër t’i kuptojnë dënimet nga UEFA, lidhur me mos respektimin e Fair-Playit Financiar (FFP) për klube. 

Njoftimin e ka bërë të ditur La Repubblica dhe La Gazzetta dello Sport sot, që parashikojnë se sankcionet për këto dy klube do të arrijnë nesër. 

Sipas këtyre gazetave kredibile në Gadishullin Apenin, Inter pritet që të gjobitet me 6 deri në 8 milionë euro si dhe t’i zbritet numri i futbollistëve për gara ndërkombëtare nga 25 në 21. 

Në anën tjetër, Roma, mund të mos marrë pjesë fare në gara europiane stinorin tjetër, bëjnë të ditur këto gazeta sot. 

Milan, Lazio dhe Fiorentina, gjithashtu nuk i kanë punët mirë në këtë drejtim, ndërsa kreu i Federatës italiane të futbollit, Carlo Tavecchio pritet që të takojë nesër Michel Platininë, kreun e UEFA-së.