Inter gjobitet me 15 mijë €

Mario Balotelli, që iu bashkua radhëve të Milanit nga Manchester City muajin e kaluar, ishte shënjestër e brohoritjeve të tifozëve të Interit, në ndeshjen e këtyre të fundit ndaj Chievos. 

Në një deklaratë për media, Serie A, ka gjobitur Interin me 15 mijë euro për shkak se “tifozët kanë brohoritur parulla raciste dhe diskriminuese ndaj futbollistit të një ekipi tjetër”. 

Milan dhe Inter do të takohen, më 24 shkurt në kuadër të Serie A-së, ndërsa kryetari i interistëe, Massimo Moratti ka thënë: “Më vjen keq, shpresoj se kjo nuk do të ndodhë në derbi.”