Ish-lojtari i Prishtinës, pranë rikthimit në Superiore

Njëri ndër futbollistët më me përvojë në Superioren shqiptare, pas aventurës së tij me Prishtinën në Superligë të Kosovës, është pranë zyrtarizimit te Vllaznia e Shkodrës.

Mediat shqiptare kanë bërë të ditur se Sabien Lilaj është shumë afër marrëveshjes me shkodranët që drejtohen nga gjermani Thomas Brdaric, ndërsa aty luan edhe Liridon Latifi, të cilin Lilaj e ka pasur bashkëlojtar edhe në kohëra të mira te Skënderbeu i Korçës.

Me ardhjen e janarit, pritet të shihet nëse do të realizohet plotësisht kalimi i Lilajt te shkodranët.