DUELI I POSHTËM
Istogu fundos Ferizajin
19 September, 2014 @18:12
Një gol i Elvsi Gacaferrit ka qenë i mjaftueshëm për të nxjerrë 3 pikë të arta për Istogun sot në duel me Ferizajin.
Dueli i dy ekipeve nga fundi i tabelës i takoi vendasve të cilët me golin e shënuar në minutën e 22-të të takimit kanë arritur që të marrin trepikëshin e dytë në Superligë dhe atë të dytin me radhë për të dalë deri në vendin e tetë të tabelës aktualisht.
Kjo e bën trajnerin e ri të Istogut, Nazmi Rama, me bilanc të qindpërqindtë të fitoreve në ligën elite, pasi që qe dy ndeshje që po e drejton ekipin, ka regjistruar dy fitore.
E sa i përket ferizajasve, ata tashmë me një fitore të vetme dhe me 5 disfata janë në fund të tabelës me 3 pikë.
Istogu në xhiron e ardhshme do të udhëtojë për në Skenderaj në takim me Drenicën, derisa Ferizaji pret Besën.
REZULTATET, TABELA AKTUALE DHE NDESHJET E RADHËS
