MEDIA
Januzaj refuzon Paris St Germainin
26 January, 2015 @22:16
Agjenti i Adnan Januzajt ka bërë të ditur se Manchester United ka refuzuar afrimin e Paris St Germainit për lojtarin.
Pasi që Januzaj nuk ka arritur t’ia bëj një vend vetes në ekipin e drejtuar nga Louis Van Gaal, Paris St Germain kishte shfaqur interesim për lojtarin duke kërkuar informata.
“Po, Paris St Germain është interesuar për ‘të. Kanë kontaktuar Manchester Unitedin për këtë. Por Louis Van Gaal ka thënë se Adnani nuk do të largohet këtë dimër nga skuadra, as si transferim e as si huazim. Trajneri beson se Januzaj është lojtar i rëndësishëm i skuadrës,” është cituar të ketë thënë agjenti i Januzajt, Dirk De Vriese, për Foot Mercaton, transmeton Goal.com.
Januzaj ka kontratë me Manchester Unitedin deri në qershor të vitit 2018.
