MAN UTD

Man Utd

Januzaj, shkëlqen përsëri

23 July, 2013 @14:43

Shqiptari i Manchester United, Adnan Januzaj, bashkë me talentin anglez, Wilfried Zaha kanë qenë dritat e vetme që kanë ndriçuar te ekipi i David Moyesit sot.

Djajt e kuq janë mposhtur nga ekipi japonez Yokohama Marinos 3-2 në kuadër të ndeshjeve parasezonale përgatitore.

Marquinhos i dha epërsinë japonezëve vetëm 28 sekonda posa ia filloi ndeshja pas një gabimi fatal të Fabios. I riu Jesse Lingard barazoi, për Manchesterin pas një pune të shkëlqyer të Zahas, ndërsa Masakazu Tashiro shënoi autogol pas goditjes nga gjuajta e lirë e Adnan Januzajt.

Në pjesën e dytë Yokohama tregoi edhe më shumë shpirt duke shënuar dy herë për fitoren 3-2 me golat nga Fabio Aguiar dhe Yoshihito Fujita.

Edhe komentatori anglez pas përfundimit të ndeshjes theksoi se David Moyes nuk do të mërzitet shumë për rezultatin sa për paraqitjen e lojtarëve të tij në fushë, përveç Wilfried Zahas dhe Adnan Januzajt - të shkëlqyeshëm.

Yokohama-Manchester (skuadrat):

Man United: De Gea; Fabio, Jones, Evans (Smalling 67), Evra; Anderson, Zaha (Giggs 78), Cleverley, Lingard (Young 46), Januzaj (Kagawa 62); van Persie (Welbeck 46)
Y Marinos: Enomoto (Rokutan 46); Kobayashi (Amano 75), Tashiro (Kumagi 62), Dutra (Hanato 62), Fabio; Hyodo (Higa 84), Sato (Narawa 46), Nakamachi (Jeong 88), Nakamura (Fujita 20), Tomisawa (Kida 88); Marquinhos (Ogura 69)