DRENICA - BALLKANI
Jetmir Topalli për të katërtën e sezonit
29 September, 2019 @15:51
Një gol i shënuar në minutën e 6’ të ndeshjes ishte i mjaftueshëm që Ballkani sot ta shënojë një fitore mjaft të rëndësishme në udhëtim te Drenica.
Skuadra e drejtuar nga Ismet Munishi golin e gjeti nga Jetmir Topalli, i cili shënoi pas një krosimi të Blend Baftiut në minutën e 6’ të ndeshjes, ndërsa që nga ai moment e deri në fund të ndeshjes gola të tjerë nuk pati përkundër tentimeve të të dyjave skuadrave, duke bërë që ndeshja të mbyllet me rezultatin përfundimtar 0-1.
Kjo fitore, e katërta e sezonit për Ballkanin, bën që suharekasit të ngjiten në kuotën e 14 pikëve pas 7 xhirove, derisa Drenica deri më tash ka tubuar vetëm 8 pikë.
Xhiron e ardhshme, Drenica i shkon Prishtinës në kryeqytet, kurse Ballkani i shkon Ferizajit.
