MESFUSHORI PORTUGEZ
Joao Mario (25 vj.)
Joao Mario pranë Londrës
25 January, 2018 @10:06
Mesfushori portugez i Interit, Joao Mario, pritet që të bëhet pjesë e ekipit londinez, West Ham United.
Sipas BBC Sportit, çekanët e Londrës janë shumë afër huazimit të lojtarit në fjalë nga neroazzurrët, ndërsa trajneri David Moyes ka kërkuar më shumë kreativitet në mesfushë, veçanërisht pas lëndimeve të Manuel Lanzinit dhe Marko Arnautovicit.
Joao Mario në anën tjetër, kaloi te Inter nga Sporting Lisbona në verë të vitit 2016 për 35 milionë funte dëmshpërblim. Mirëpo, ai nuk arriti të ambientohet taktikisht te Interi që ndërroi tre trajnerë prej se arriti ai aty.
