OLYMPIQUE LYON
Juninho pret Shaqirin te Lyon
23 August, 2021 @9:45
Lyon ka zyrtarizuar mbrëmë vonë marrëveshjen me Liverpoolin për të siguruar shërbimet e Xherdan Shaqirit.
“Olympique Lyon është i kënaqur që më në fund ka arritur marrëveshje me Liverpoolin për të transferuar mesfushorin e Zvicrës, Xherdan Shaqiri, që ishte pjesë kyqe e shtetit të tij në EURO,” ka shkruar njoftimi i Lyonit sot.
Shaqiri 29-vjeç ka 96 paraqitje për Zvicrën dhe është pjesëmarrës në tri kampionate botërore (2010, 2014, 2018) si dhe dy evropiane (2016, 2021), ndërsa së fundi i ndihmoi ekipit që të eliminojë Francën!
“Ai konsiderohet si njëri ndër lojtarët më të mirë të të gjitha kohërave të Zvicrës, bashkë me Alex Frei dhe Stephane Chapuisat,” ka vazhduar më tej lavdatat Lyon për lojtarin e ri të ekipit.
Ndërsa arritja e Shaqirit në Lyon do të pritet dhe shoqërohet nga legjenda e klubit lionez, Juninho, kurse transferi përfundon pasi që të kryhen testet mjekësore të hënën, bashkë me formalitetet tjera.
