PODUJEVË
Zhdrella ndahet me Llapin
22 August, 2021 @22:22
Trajneri i Llapit Tahir Batatina ka bërë të ditur në emisionin e sotëm të ATV-së se klubi ka ndarë rrugët me mesfushorin me përvojë Mentor Zhdrella.
“Zhdrellës i duhet edhe më shumë përgatitje fizike për të qenë pjesë e Llapit, ndërsa klubi nuk mund të pret më shumë. Prandaj jemi dakorduar që të ndahemi, derisa ai do të mund të luajë në cilëndo skuadër tjetër,” ka thënë Batatina në emision pak më parë.
Kujtojmë, Zhdrella 33-vjeç gjatë kohës së tij më të mirë ka qenë i shpallur katër herë lojtari më i mirë në Kosovë.
