Juve fiton dramën, Atletico lider

Juventus ka arritur të mposht Olympiacosin në Torino, por për këtë është dashur të derdhin djersë mjaft. 

Përkundër se ia nisën mirë me golin e Andrea Pirlos nga gjuajtja e lirë (që regjistroi paraqitjen e 100-të) Bianconerët panë rezultatin e barazuar shpejtë, pasi që Botia shënoi për 1-1. 

Në pjesën e dytë grekët morrën epërsinë. Mirëpo italianët reaguan shpejtë dhe për dy minuta (65’ dhe 66’) arritën të kthejnë ndeshjen në favor të tyre, kur Paul Pogba shënoi për 3-2. 

Edhe pse në fund kishin mundësinë për të shënuar fitore më të thellë, nxënësit e Max Allegrit nuk e arritën këtë pasi që Arturo Vidal dështoi të shënojë nga pika e bardhë në fund të ndeshjes. 

Përfaqësuesi i Zvicrës me origjinë shqiptare që kishte sjellë fitoren e Olympiacosit në ndeshjen e kaluar ndaj Juventusit, Pajtim Kasami, nuk bëri pjesë në 11-shen e parë të grekëve. Ai u fut në lojë në 10 minutëshin e fundit, por nuk arriti të ndikojë në rezultat. 

Atletico Madrid, lider i pastër

Ndeshja tjetër e Grupit A, kaloi në shenjë të kampionit të Spanjës dhe nënkampionit të Europës - Atletico Madrid. Djelmoshat e Diego Simeones me lojën e tyre të pa panikë, kanë arritur qetësisht të gjejnë golat në Suedi ndaj Malmos për t’i mposhtur 0-2 (Koke dhe Raul Garcia me gola)

Me këtë fitore Atletico Madrid është lider i pastër i grupit me 9 pikë, 3 pikë para Juventusit e Olympiacosit dhe 6 para Malmos. 

Ndeshjet e radhës:

TABELA E GRUPIT A: