SERIE A
REUTERS/Giorgio Perottino
Juve fiton, Mustafi asiston
24 February, 2013 @17:09
Juventus ka arritur të mbajë epërsinë në krye të tabelës duke mposhtur Sienan 3-0, sot. Mbrojtësi zviceran Stephan Lichtsteiner ka hapur serinë e golave për bianconerët, derisa në pjesën e dytë e kanë vazhduar Sebastian Giovinco dhe Paul Pogba krejt në fund.
Sulmuesi i kombëtares shqiptare, Erion Bogdani, gjatë gjithë ndeshjes ka qëndruar në bankën rezervë, duke mos u futur për asnjë minutë në fushë, nga trajneri Giuseppe Iachini.
Shqiptari i lindur në Gjermani, Shkodran Mustafi, ka arritur që të asistojë për golin e dytë të ekipit të tij Sampdoria. Mustafi u fut në ndeshje në minutën e 78-të në vend të Lorenzo De Silvestrit dhe vetëm 5 minuta më vonë asistoi në golin e dytë, që siguroi fitoren e Sampdorias ndaj Chievos 2-0.
Përparim Hetemaj u fut në pjesën e dytë në ndeshje për Chievon, ku pas vetëm dy minutash në fushë, u ndëshkua me karton të verdhë dhe nuk arriti të ndikojë në rezultatin e ndeshjes ndaj Sampdorias.
REZULTATET, SERIE A, SOT:
| Sampdoria - Chievo | 2-0 | ||
| Juventus - Siena | 3-0 | ||
| Atalanta - Roma | 2-3 | ||
| Cagliari - Torino | 4-3 | ||
| Parma - Catania | 1-2 |
TABELA AKTUALE, TOP 6, SERIE A:
| 1 | Juventus | 58 pikë | ||
| 2 | Napoli | 51 pikë | ||
| 3 | Milan | 44 pikë | ||
| 4 | Lazio | 44 pikë | ||
| 5 | Inter | 43 pikë | ||
| 6 | Fiorentina | 42 pikë |
