Juve-Napoli nuk vendos

Ish trajneri i përfaqësueses italiane, Marcelo Lippi, në një bisedë për Radio 2 të Italisë ka thënë se dueli i kësaj fundjave mes Juventusit dhe Napolit nk do të vendos asgjë sa i përket titullit kampion. 

”Çkado që ndodh të shtunën, do të jenë edhe 13 ndeshje e 39 pikë në to për të përfunduar stinori. Si do që të jetë rezultati, asgjë nuk vendoset,” ka thënë Lippi, që gjatë karrierës së tij ka qenë trajner i dy ekipeve në fjalë që po duken më serioze këtë stinor për Scudetto. 

“Nëse Napoli fiton, do të kalojë 5 pikë përpara Juventusit. Pra fitorja, do të vlente më shumë për Napolin,” ka shtuar ai ndër të tjera. 

TABELA AKTUALE E SERIE A 

Napoli është në kërkim të lavdisë së vitit 1990 kur për herë të fundit kanë fituar titullin kampion në kohën e Diego Maradonës. E Juventus, rekord-kampioni i Italisë dhe kampioni i katër stinorëve të fundit, nuk e ka ndërmend të ndalet në rrugë për Scudetton e radhës.