Kagawa hyn në histori

Përveç hat-trickut dhe fitores me rezultat të thellë, ndeshja kundër Norwich Cityt kishte edhe dy kuptime të tjera për japonezin e Manchester Unitedit, Shinji Kagawa.

Mesfushori 23 vjeçar ka hyrë në histori të Premier Leagues, si futbollisti i parë nga kontinenti aziatik i cili ka realizuar hat-trick në këtë ligë.

Kagawa po ashtu ka hyrë edhe në histori të Manchester Unitedit pasi goli i parë i tij në ndeshje ishte njëkohësisht edhe goli i 900-të i djajve të kuq në Premier League.

Manchester United e mposhti Norwichin me rezultat 4-0, ndërsa tre golat e para u shënuan nga japonezi. Golin e katërt për Manchesterin në këtë ndeshje e shënoi Wayne Rooney në minutën e 90’.