EL CLASICO
REUTERS/Paul Hanna
Real konfirmon forcën
2 March, 2013 @17:29
Real Madrid ka filluar furishëm ndeshjen e sotme ndaj Barcelonës, ku që në minutën e gjashtë Karim Benzema ka shënuar pas asistimit të Alvaro Moratas. Mirëpo i shumë përfoluri pas dy humbjeve të Barcelonës, Lionel Messi, ka arritur të barazojë pas 18 minutave lojë.
Por kjo ka ka qenë e tëra që kanë arritur të tregojnë katalonasit sot, pasi që në minutën e 82-të të ndeshjes, pas krosimit të Luka Modric ka qenë kapiteni Sergio Ramos që i ka dhënë golin e fitores dhe të tre pikëve madrilenëve.
Pas përfundimit të ndeshjes portieri katalonas Victor Valdes ka marrë dy kartona të verdhë nga gjyqtari pas protestave ndaj tij, pasi që në minutën e 90-të Alexis Sanchez u pengua në zonën e rrezikshme dhe gjyqtari nuk dha penallti për Barcelonën.
Realit nuk i është dashur as Cristiano Ronaldo për gati 60 minuta lojë duke treguar forcën e vërtetë në terren.
Me këtë fitore të madhe Real Madrid i është afruar katalonasve në 13 pikë dhe është vetëm një pikë larg Atletico Madridit që gjendet në vendin e dytë.
REZULTATI:
| Real Madrid - Barcelona | 2-1 |
LA LIGA, TOP 3
| 1 | Barcelona | 68 pikë | ||
| 2 | Atletico Madrid | 56 pikë | ||
| 3 | Real Madrid | 55 pikë |
