GIGGS

REUTERS/Nigel Roddis

22 vjet histori

2 March, 2013 @9:23

Ishte 2 marsi i vitit 1991 kur u luajt ndeshja ndërmjet Manchester Unitedit dhe Evertonit në Premier League, në stadiumin Old Trafford. Në atë ndeshje futbollisti i Manchester Unitedit, Denis Irwin, pësoi lëndim, ndërsa vendin e tij ia la një lojtari vetëm 18 vjeçar i cili do të luante për herë të parë në Premier League.

Kështu filloi historia 22 vjeçare e Ryan Giggsit me Manchester Unitedit. Që nga ajo kohë, Giggs ka luajtur në 612 ndeshje për Manchesterin në Premier League, duke shënuar gjithsej 109 gola.

Në ditën kur debutoi Giggsi për djajtë e kuq, disa nga bashkëlojtarët e tij të tanishëm, si Phil Jones dhe Nick Powell, as që kishin lindur. Ndërsa portieri David De Gea dhe sulmuesi Danny Welbeck në atë kohë ishin vetëm 3 muajsh.

Ky fakt tregon se ai është një legjendë e vërtetë, jo vetëm për klubin, por edhe për Premier League në përgjithësi. Uellsian tani 39 vjeçar, së fundi ka nënshkruar kontratë edhe një vjet me ekipin e tij, për ta shtyer pensionimin e tij për verën e vitit të ardhshëm.

Fakte rreth Ryan Giggsit

1	Ryan Giggs ka fituar 12 tituj të Premier Leagues me Manchester Unitedin.
2	Futbollisti që ka luajtur më së shumti ndeshje në Premier League.
3	Lojtari i vetëm në Premier League që ka arritur të shënojë dhe të asistojë në çdo stinor që ka luajtur.
4	Futbollisti që ka më së shumti paraqitje për Manchester Unitedin.
5	Futbollisti që më së shumti ka filluar ndeshjen si titullar për Manchester Unitedin.
6	Lojtari i parë që ka shënuar mbi 100 gola në Premier League për Manchester Unitedin.
7	Mesfushori i dytë në Premier League që ka kaluar shifrën e 100 golave. (I pari është Matt Le Tissier)
8	Lojtari më vjetër (37 vjet, 289 ditë) që ka shënuar në Ligën e Kampionëve. (Në ndeshjen kundër Benficas më 14 shtator 2011)
9	Njëri prej 4 lojtarëve të Manchester Unitedit që ka fituar dy tituj të Ligës së Kampionëve. (Tre të tjerët janë Paul Scholes, Gary Neville d
10	Çmimi i futbollistit më të mirë në 20 vitet e fundit në Premier League.