KALAJA - MEGASPORTS
BOROZANI / A.P
Kalaja fiton derbin lokal
1 April, 2018 @10:22
Në derbin lokal të Prizrenit në kuadër të Ligës së Parë të basketbollit të Kosovës, u përballën Kalaja me Megasportsin.
Fitues nga ky dueli doli Kalaja me rezultat 89-73.
Pjesa e parë e ndeshjes përfundoi me rezultat të barabartë, derisa dallimi u bë në pjesën e dytë të ndeshjes, ku djelmoshat e Kalasë, treguan se janë më të përgatitur fizikisht dhe arritën të fitojnë kundërshtarin.
Edmond Kryeziu ishte koshashënuesi më i mirë i ndeshjes me 21 pikë të shënuara, derisa ishte shumë i suksesshëm nga vija e treshit. Kryeziu u ndihmua edhe nga Somel Shaqiri me 16 pikë dhe Ujkan Karanezi me 15 pikë të tjera.
Kalaja e siguroi Play Offin për sivjet, derisa është duke kërkuar një avantazh në renditje në këto dy xhiro të mbetura, ndërsa edhe Megasportsi është në kërkim të mbijetesës në Ligë të Parë, ku qëllimi kryesor i tyre është që fitorja në dy ndeshjet e fundit.
