Kampioni, kthehet në fole

Komisioni për inspektimin dhe pranimin e stadiumeve të FFK-së sot ka vizituar stadiumin Rexhep Rexhepi të Drenasit dhe ka rënë në përfundim se si i renovuar, ky stadium plotëson kushtet për zhvillim të ndeshjeve në Superligë. 

Ferronikeli, që u shpallë kampion i Kosovës në stinorin e fundit, ka shtegëtuar në stadiume të ndryshme duke mos pasur asnjëherë kënaqësinë të luajë në terrenin e vetë, që ishte në renovim. 

Tash, më 29 gusht në kuadër të xhiros së dytë të Superligës, ekipi kampion i drejtuar nga Gani Sejdiu pritet që të debutojë në një ndeshje zyrtare në Rexhep Rexhepin e renovuar.