DRITA - ARBËRIA
Kampioni ndalet nga Arbëria, mbetet “ngushtë” në krye
14 December, 2020 @15:00
Humbjen e pësuar të Ballkanit dje, nuk ka arritur ta shfrytëzojë maksimalisht skuadra e Dritës.
Lideri aktual i Superligës sot befasisht u ndal në barazim nga skuadra e Arbërisë, duke e humbur kështu mundësinë për t’u shkëputur edhe më tutje nga Ballkani, ndjekësi më i afërt.
Ndeshja e luajtur sot mes Dritës dhe Arbërisë në fund u mbyll 1-1 (Kastriot Rexha 36’ (P) / Hamdi Namani (AG) 75’).
Kastriot Rexha nga pika e bardhë në minutën e 36’ shënoi për 1-0, për ta dërguar skuadrën e Dritës me epërsi minimale në pushim, ndërkohë që barazimi vendas erdhi në minutën e 75’, kur Hamdi Namani shënoi në portën e gabuar për 1-1, rezultat që doli të ishte përfundimtari i ndeshjes.
Kështu, Drita tashmë ka 2 pikë më shumë se Ballkani, kurse Arbëria momentalisht ndodhet jashtë zonës së rrezikshme.