GRUPI H: REAL MADRID - APOEL
Foto: Squawka
Kampioni s’gabon, e nis me fitore
13 September, 2017 @22:40
Në pamundësi për të shënuar në La Liga për shkak të suspendimit, Cristiano Ronaldo formën e mirë po e tregon në Champions League.
Portugezi sonte shënoi 2 herë në portën e APOEL-it, për ta ndihmuar kështu Realin që ta nis me fitore sezonin e ri në Champions League. Ky ishte sezoni i gjashtë radhazi që Ronaldo shënon në ndeshjen hapëse të grupeve për Realin.
Sa i përket statistikave, kjo është ndeshja e 72-të rresht në të gjitha garat që kampioni në fuqi i Evropës shënon të paktën një gol, pavarësisht rezultatit përfundimtar të ndeshjes.
Në takimin tjetër të Grupit H, Tottenhami e mposhti 3-1 skuadrën e Dortmundit, për të qenë kështu me pikë të barabarta me Realin në krye të grupit.
