Kampioni vazhdon stërvitjet

Futbollistët kampionë të Ferronikelit kishin vetëm një ditë pushim pasi që përfunduan stinorin vjeshtor në krye të tabelës. 

Ata sot prej orës 13 do të vazhdojnë seancat e rregullta stërvitore me ekipin, derisa pushimi është përcaktuar të nis nga mesi i muajit, saktësisht prej datës 15 dhjetor, ka bërë të ditur faqja zyrtare e ekipit. 

TABELA E STINORIT VJESHTOR

Ferronikeli, ka përfunduar stinorin vjeshtor të Superligës në krye të tabelës dhe mbetet kandidati kryesor për titull këtë stinor. Djelmoshat e Gani Sejdiut kanë grumbulluar 31 pikë nga 17 ndeshjet e para të stinorit duke shënuar 9 fitore, 4 barazime e 4 humbje. 

Ata janë 1 pikë mbi Llapin, që ka përfunduar stinorin vjeshtor në vend të dytë, pastaj 2 mbi Gjilanin që është i treti dhe 3 mbi Hajvalinë që është e katërta.