SULMUESI I KOMBËTARES
Kapllani me 2 gola, në humbjen e Frankfurtit
9 August, 2014 @9:17
Frankfurt, përsëri nuk ka arritur të shënojë fitore. Edhe në ndeshjen e xhiros së dytë të Bundesliga 2, ekipi ku luajnë dyshja shqiptare, Odhise Roshi dhe Edmond Kapllani - ka humbur pikët e plota.
Në fakt, Kapllani ka shënuar dy gola për ekipin e tij në ndeshjen e mbrëmshme, por ekipi i Karlsruhes ka qenë më konkret duke shënuar tre herë te porta e Frankfurtit, për fitore 2-3 si mysafir në Frankfurter Volksbank Stadion.
Edhe Roshi edhe Kapllani kanë nisur ndeshjen që nga minuta e parë e takimit, derisa Roshi u zënvedësua në minutën e 67-të e Kapllani e çoi deri në fund.
Këto kanë qenë dy golat e parë të Kapllanit në stinorin e ri të Bundesliga 2, derisa në dy stinorët e fundit ai kishte shënuar nga 11 gola për ekipin e tij.
