GRUPI E
REUTERS
Këndellet Chelsea
1 October, 2013 @23:00
Skuadra e Jose Mourinhos, Chelsea, ka arritur të shënojë fitoren e parë në Ligë të Kampionëve, duke e mposhtur Steauan me rezultat të thellë si mysafire sonte.
Dy gola të brazilianit Ramires, një autogol dhe një gol i shënuar në fund të ndeshjes nga Frank Lampard, kanë qenë golat që kanë bërë londinezët të përmirësojnë edhe golaverazhin pas humbjes befasuese në xhiron e parë të Ligës së Kampionëve nga Basel.
E këta të fundit, sonte nuk kanë arritur të bëjnë atë që bënë ndaj Chelseat në Londër. Baseli është mposhtur nga Schalke 0-1, të cilët fituan me golin e shënuar nga talenti, Julian Draxler.
Taulant Xhaka ka qenë shqiptari i vetëm në lojë prej Baselit, derisa është zëvendësuar në minutën e 62-të të ndeshjes.
GRUPI E, Rezultatet
| Steaua-Chelsea | 0-4 | ||
| Basel-Schalke | 0-1 |
GRUPI E, Tabela aktuale
| 1 | Schalke | 6p | ||
| 2 | Chelsea | 3p | ||
| 3 | Basel | 3p | ||
| 4 | Steaua | 0p |
